Inprimatu

JCM AGINTE EBOLUTIBOEI ALTA NOLA EMAN

JCM-n aginte ebolutiboei alta emateko sistema bera jarraitzen da eredu eta pertsonalizazio guztientzat, 868 Mhz-ekoan izan ezik.

Aginte horiei alta emateko 3 modu daude

PIN-MODE moduan alta urrutitik emateko prozedura

Hargailuan PIN-MODE testua aurkitzen badugu, hauxe izango da prozedura:

1. Jar zaitez hargailutik hurbil eta sakatu punta zorrotz batekin instalazioan alta eman nahi diogun agintearen atzealdeko sakagailua.

Hargailuak \"bip\" luze bat igorriko du agintea behar bezala grabatu dela adierazteko.

Alta urrutitik emateko prozedura instalazioko agintearekin

1. Jar zaitez hargailutik hurbil eta sakatu punta zorrotz batekin dagoeneko instalazioan badabilen agintearen atzealdeko sakagailua.

Hargailuak \"bip\" luze bat igorriko du eta horrek grabatzen hasi dela esan nahiko du.

2. Hargailuaren \"bip\" horretatik 10 segundo igaro aurretik, alta eman nahi dugun agintearen botoia sakatuko dugu.

Aginteari alta eman zaiola adierazten duen \"bip\" labur bat igorriko du orduan hargailuak.

Hargailuak aginteari alta ematen utziko ez baligu (ez balu \"bip\" labur hori igorriko), baliteke memoria beteta egotea eta, ondorioz, instalatzailearen baimenik gabe hargailuan aginteari alta eman ezin izatea.

3. Handik 10 segundora, hargailuak programazioko modua utziko du eta 2 \"bip\" labur igorriko ditu.

Alta zuzeneko prozedura hargailuan

1. Ireki hargailua eta bilatu \"PROG\" testua duen etengailua edo sakagailua.

2. Sakatu botoia edo aktibatu etengailua.

Hargailuak \"bip\" luze bat igorriko du eta LED argia piztuko da. Hemendik aurrera, aurreko metodoaren 2. puntura joango gara.

Inprimatu

GO AGINTE EBOLUTIBOEI ALTA NOLA EMAN

GO urrutiko agintea zuzenean aktibatzen da hargailuan lehenengo aldiz sakatzen denean. Hala ere, zenbait instalaziotan aukera hori desgaituta dago eta eskuz programatu beharko dugu.

GO aginteari alta emateko eskuzko prozedura.

1. Ireki hargailua eta bilatu \"PROG\" testua duen etengailua edo sakagailua.

2. Sakatu botoia edo aktibatu etengailua.

3. Hargailuaren \"bip\" horretatik 10 segundo igaro aurretik, alta eman nahi dugun agintearen botoia sakatuko dugu.

Aginteari alta eman zaiola adierazten duen \"bip\" labur bat igorriko du orduan hargailuak.

Hargailuak aginteari alta ematen utziko ez baligu (ez balu \"bip\" labur hori igorriko), baliteke memoria beteta egotea eta, ondorioz, instalatzailearen baimenik gabe hargailuan aginteari alta eman ezin izatea.

4. Handik 10 segundora, hargailuak programazioko modua utziko du eta 2 \"bip\" labur igorriko ditu.

Oharrak

Prozedura ongi ateratzen ez bada, baliteke hargailuaren memoria beteta dagoelako izatea, instalatzailearen baimenik gabe aginte berriei alta ematea saihestuko baitu horrek.

Inprimatu

LIFT MASTER AGINTE EBOLUTIBOEI ALTA NOLA EMAN

Lift Master aginteari zuzenean bakarrik eman ahal zaio alta hargailuan.

Hargailuan alta zuzenean emateko prozedura

1. Urrutiko agintearen botoia sakatu eta ez askatu

2. Hargailuan, A kanalarentzako programatze-botoia (Learn) sakatu eta askatu.

3. Kontroleko LED argiak keinu bakar bat egingo du.

4. Urrutiko agintearen botoia askatu.

Urrutiko agintearen botoia kontroleko LED argia keinuka hasi baino lehen askatzen baduzu, hargailuak ez du kodea onartuko.

Urratsak errepikatu gainerako aginteekin.

Bigarren ate bat erabiltzen bada, urrutiko agintearen beste botoi bat hautatu eta B kanalarentzat azaldu diren urratsak errepikatu.

Inprimatu

CENTURION AGINTE EBOLUTIBOEI ALTA

CENTURION agintearen alta zuzenean bakarrik edo irrati bidez MASTER agintea eta VOYAGE hargailua baldin baduzu.

NOVA eta SMART hargailua

Alta zuzeneko prozedura hargailuan

1. Jarri jumperra LEARN posizioan.

2. Led argi gorria piztuko da.

3. Sakatu grabatzeko agintearen botoia. Led argiak behin kliskatuko du.

4. Kendu jumperra eta utzi ezazu deskonektatuta.

NOVA VOYAGE hargailua

Alta zuzeneko prozedura hargailuan

1. Jarri jumperra LEARN posizioan.

2. Led argi gorria piztuko da.

3. Sakatu grabatzeko agintearen botoia. Led argiak behin kliskatuko du.

4. Kendu jumperra eta utzi ezazu deskonektatuta.

Memorizatuko den lehenengo igorlea MASTER agintea izango da.

Hargailuan MASTER agintearen alta urrutitik emateko prozedura.

MASTER agintea behar da alta urrutitik egin ahal izateko. MASTER agintea hargailua hutsik dagoenean alta ematen zaion lehenengo agintea da.

1. Sakatu MASTER agintearen edozein botoi 10 segundoz edo 10 aldiz kliskatzen duen arte.

2. Led argi gorria piztuko da.

3. Sakatu grabatzeko agintearen botoia.

4. 10 segundoz itxaron hargailua programatze-modutik irten arte.

Inprimatu

GENIUS AGINTE EBOLUTIBOEI ALTA NOLA EMAN

GENIUS agintearen alta zuzenean egin daiteke hargailuan edo urrutitik dagoeneko hargailuan programatuta dagoen agintearen bitartez.

Alta urrutitik emateko prozedura

1. Gutxienez 5 segundoz sakatu dagoeneko instalazioan memorizatuta dagoen urrutiko agintearen P1 eta P2 sakagailuak.

2. 10 segundo igaro baino lehen, sakatu instalazioan dagoeneko badabilen agintearen botoi bera sakatu.

3. Hargailua ikaste-moduan jartzen da, aktibatutako kanalari dagokion diodoa argi finkoarekin piztuko da.

4. Sakatu memorizatu nahi den sakagailua programatuko den urrutiko agintean.

5. Urrutiko aginte gehiago gehitzeko, errepikatu 4. puntua.

6. 10 segundoz itxaron hargailua programatze-modutik irten arte.

7. Eragiketak beste kanal batentzat errepikatu.

Hargailuan alta zuzenean emateko prozedura

1. Hargailuan, memorizatu nahi den kanalari dagokion sakagailua sakatu, SW1 1. kanala memorizatzeko (CH1) eta SW2 2. kanala memorizatzeko (CH2). 1 eta 2 diodoak argi finkoarekin piztuko dira hargailua ikaste-moduan dagoela adierazteko.

2. 10 segundo igaro aurretik, sakatu urrutiko agintean, eta gutxienez segundo batez sakatuta eduki, memorizatzea nahi duzun sakagailua.

3. Behar bezala memorizatu bada, diodoak pare bat keinada igorriko ditu.

4. Hainbat urrutiko aginte memorizatzeko, errepika itzazu 2. puntuaren eta ondorengo eragiketak.

5. Azken memorizaziotik 10 segundo igarotakoan, hargailua automatikoki aterako da ikaste-modutik.