Inprimatu

SEAV AGINTE EBOLUTIBOEI ALTA NOLA EMAN

SEAV aginteari alta urrutitik emateko prozedura

1. Hargailuaren aurrean zaudela, instalazioan badabilen agintearen nahi duzun lehenengo kanala sakatu 15 segundoz

Hargailuaren LED argia keinuka hasiko da bilbearen zain dagoen bitartean

2. Kopiako agintean kanal berari dagokion botoia sakatu.

Hargailuaren LED argia finko geratuko da piztuta kopia burutu dela adierazteko.

Eragiketa gainerako kanalekin errepikatu.

SEAV aginteari alta zuzenean emateko prozedura

1. Hargailua irekiko dugu eta SEL hizkiak dituen sakagailua sakatuko dugu.

Hargailuaren CODE CH1 adierazten duen LED argia keinuka hasiko da bilbearen zain.

2. Kopiako agintean kanal berari dagokion botoia sakatu.

Hargailuaren LED argia finko geratuko da piztuta kopia burutu dela adierazteko.

Bigarren kanala programatzeko, prozedura berberari jarraitu baina bi adiz sakatu SEL tekla (CODE CH2 LED argia hasiko da keinuka) eta kopia-aginteko bigarren kanala.

Oharrak

Prozedura ongi ateratzen ez bada, baliteke hargailuaren memoria beteta dagoelako izatea, instalatzailearen baimenik gabe aginte berriei alta ematea saihestuko baitu horrek.

Inprimatu

LIFT MASTER AGINTE EBOLUTIBOEI ALTA NOLA EMAN

Lift Master aginteari zuzenean bakarrik eman ahal zaio alta hargailuan.

Hargailuan alta zuzenean emateko prozedura

1. Urrutiko agintearen botoia sakatu eta ez askatu

2. Hargailuan, A kanalarentzako programatze-botoia (Learn) sakatu eta askatu.

3. Kontroleko LED argiak keinu bakar bat egingo du.

4. Urrutiko agintearen botoia askatu.

Urrutiko agintearen botoia kontroleko LED argia keinuka hasi baino lehen askatzen baduzu, hargailuak ez du kodea onartuko.

Urratsak errepikatu gainerako aginteekin.

Bigarren ate bat erabiltzen bada, urrutiko agintearen beste botoi bat hautatu eta B kanalarentzat azaldu diren urratsak errepikatu.

Inprimatu

SKYMASTER AGINTE EBOLUTIBOEI ALTA NOLA EMAN

SKYMASTER agintearen alta zuzenean bakarrik memorizatu daiteke. Hauxe da prozedura.

Hargailuan alta emateko prozedura

1. \"CODE\" sakagailua behin bakarrik sakatu.

LED gorriak keinu bat igorriko du

2. Memorizatzea nahi duzun agintearen botoia bi aldiz sakatu

LED gorria finko geratuko da eta itzali egingo da ondoren.

3. Prozesu bera burutu botoi eta alta eman nahi zaion aginte bakoitzarekin.

Memorizatu behar den agintea lehena bada, memoria ezabatu lehenik eta behin, honela:

1. \"CODE\" botoia sakatuta eduki 8 segundoz, non LED argia piztuta geldituko den.

2. LED argia itzaliko da eta memoria ezabatuko da.

Inprimatu

AERF AGINTE EBOLUTIBOEI ALTA NOLA EMAN

JCM-n aginte ebolutiboei alta emateko sistema bera jarraitzen da eredu eta pertsonalizazio guztientzat, 868 Mhz-ekoan izan ezik.

Aginte horiei alta emateko 2 modu daude.

Alta urrutitik emateko prozedura instalazioko agintearekin

1. Jar zaitez hargailutik hurbil eta sakatu punta zorrotz batekin dagoeneko instalazioan badabilen agintearen atzealdeko sakagailua. Aginteak atzeko botoirik ez badu, sakatu jatorrizko agintearen botoi guztiak batera.

Hargailuak \"bip\" luze bat igorriko du eta horrek grabatzen hasi dela esan nahiko du.

2. Hargailuaren \"bip\" horretatik 10 segundo igaro aurretik, alta eman nahi dugun agintearen botoia sakatuko dugu.

Aginteari alta eman zaiola adierazten duen \"bip\" labur bat igorriko du orduan hargailuak.

Hargailuak aginteari alta ematen utziko ez baligu (ez balu \"bip\" labur hori igorriko), baliteke memoria beteta egotea eta, ondorioz, instalatzailearen baimenik gabe hargailuan aginteari alta eman ezin izatea.

3. Handik 10 segundora, hargailuak programazioko modua utziko du eta 2 \"bip\" labur igorriko ditu.

Inprimatu

V2 AGINTE EBOLUTIBOEI ALTA NOLA EMAN

V2 urrutiko aginte ebolutiboak hargailuan programatzeko bi modu eskaintzen ditu.

Irrati bidez alta emateko prozedura

1. Dagoeneko alta emanda dagoen agintearen 1 eta 2 botoiak aldi berean sakatzen ditugu 10 segundoz edo.

2. Bi teklak askatu.

3. 5 segundo igaro aurretik, alta eman nahi zaion agintearen beste botoi bat sakatu.

4. Zenbait segundoren buruan, hargailuaren LED argia itzaliko da eta programatze-modutik irtengo da.

Memorizatu du kodea.

Hargailu eta aginte guztiek ez dute funtzio hau gaituta, beraz, hurrengo prozedurari jarraitzea gomendatzen dizugu.

Hargailuan alta zuzenean emateko prozedura

1. Hargailua irekiko dugu eta tekla txiki bat bilatuko dugu, SW1

2. Tekla hori sakatu hargailuaren LED argia pizten den arte.

3. 5 segundo igaro aurretik alta eman nahi zaion agintearen tekla sakatu hargailuaren LED argia keinuka hasi arte.

4. Zenbait segundoren buruan, hargailuaren LED argia itzaliko da eta programatze-modutik irtengo da.

Memorizatu du kodea.

Oharrak

Prozedura ongi ateratzen ez bada, baliteke hargailuaren memoria beteta dagoelako izatea, instalatzailearen baimenik gabe aginte berriei alta ematea saihestuko baitu horrek.