Inprimatu

MHOUSE AGINTE EBOLUTIBOEI ALTA NOLA EMAN

MHOUSE agintearen alta zuzenean egin daiteke hargailuan edo urrutitik dagoeneko hargailuan programatuta dagoen agintearen bitartez.

Urrutitik alta emateko prozedura (NICE Smilo eta Flo-R aginteentzako prozedura bera)

1. Gutxienez 5 segundoz sakatu alta eman nahi zaion transmisorearen botoia eta, gero, askatu.

2. Apurka, instalazioan dagoeneko memorizatu den transmisorearen botoia 3 aldiz sakatu.

3. Agintearen botoia pixkanaka sakatu instalazioan alta emateko.

Hargailuan alta zuzenean emateko prozedura

1. Sakatu hargailuko P1 botoia 3 segundoz gutxienez.

2. P1 LED argia pizten denean, askatu botoia.

3. 10 segundo dituzu memorizatzea nahi duzun transmisorearen botoi bat gutxienez 2 segundoz sakatuta edukitzeko. Behar bezala memorizatzen bada, P1 LED argiak 3 keinada egingo ditu.

4. Memorizatzeko urrutiko agindu gehiago badaude, errepika ezazu 2. urratsa 10 segundo igaro aurretik, memorizatzeko fasea automatikoki bukatuko baita bestela.

Inprimatu

TXM APRIMATIC AGINTE EBOLUTIBOEI ALTA NOLA EMAN

APRIMATIC TXM aginteari alta urrutitik emateko prozedura

1. Hargailuaren aurrean, sakatu dagoeneko instalazioan badabilen igorlearen tekla guztiak batera.

Hargailuak soinu bat igorriko du eta LED argi keinukari bat piztuko du.

2. Kopiatutako agintearen botoia sakatu.

Hargailuaren soinua etengo da eta LED argia finko geratuko da une batez. Jasotako kodea zuzena dela adierazten du horrek.

3. Itxaron 30 segundo programatzeko modutik irten arte edo sakatu jatorrizko zein kopiako agintearen botoi bat.

LED argia eta burrunbagailua itzaliko dira.

APRIMATIC TXM aginteari alta urrutitik emateko prozedura

1. Hargailua irekiko dugu eta LED argi batetik hurbil dagoen sakagailu txikia sakatuko dugu 2 segundoz.

Hargailuaren LED argia berehala piztuko da

2. Kopiatutako agintearen botoia sakatu.

Hargailuaren soinua etengo da eta LED argia finko geratuko da une batez. Jasotako kodea zuzena dela adierazten du horrek.

3. Itxaron 30 segundo programatzeko modutik irten arte edo sakatu jatorrizko zein kopiako agintearen botoi bat.

LED argia eta burrunbagailua itzaliko dira.

Oharrak

Prozedura ongi ateratzen ez bada, baliteke hargailuaren memoria beteta dagoelako izatea, instalatzailearen baimenik gabe aginte berriei alta ematea saihestuko baitu horrek.

Inprimatu

JCM AGINTE EBOLUTIBOEI ALTA NOLA EMAN

JCM-n aginte ebolutiboei alta emateko sistema bera jarraitzen da eredu eta pertsonalizazio guztientzat, 868 Mhz-ekoan izan ezik.

Aginte horiei alta emateko 3 modu daude

PIN-MODE moduan alta urrutitik emateko prozedura

Hargailuan PIN-MODE testua aurkitzen badugu, hauxe izango da prozedura:

1. Jar zaitez hargailutik hurbil eta sakatu punta zorrotz batekin instalazioan alta eman nahi diogun agintearen atzealdeko sakagailua.

Hargailuak \"bip\" luze bat igorriko du agintea behar bezala grabatu dela adierazteko.

Alta urrutitik emateko prozedura instalazioko agintearekin

1. Jar zaitez hargailutik hurbil eta sakatu punta zorrotz batekin dagoeneko instalazioan badabilen agintearen atzealdeko sakagailua.

Hargailuak \"bip\" luze bat igorriko du eta horrek grabatzen hasi dela esan nahiko du.

2. Hargailuaren \"bip\" horretatik 10 segundo igaro aurretik, alta eman nahi dugun agintearen botoia sakatuko dugu.

Aginteari alta eman zaiola adierazten duen \"bip\" labur bat igorriko du orduan hargailuak.

Hargailuak aginteari alta ematen utziko ez baligu (ez balu \"bip\" labur hori igorriko), baliteke memoria beteta egotea eta, ondorioz, instalatzailearen baimenik gabe hargailuan aginteari alta eman ezin izatea.

3. Handik 10 segundora, hargailuak programazioko modua utziko du eta 2 \"bip\" labur igorriko ditu.

Alta zuzeneko prozedura hargailuan

1. Ireki hargailua eta bilatu \"PROG\" testua duen etengailua edo sakagailua.

2. Sakatu botoia edo aktibatu etengailua.

Hargailuak \"bip\" luze bat igorriko du eta LED argia piztuko da. Hemendik aurrera, aurreko metodoaren 2. puntura joango gara.