Inprimatu

SKYMASTER AGINTE EBOLUTIBOEI ALTA NOLA EMAN

SKYMASTER agintearen alta zuzenean bakarrik memorizatu daiteke. Hauxe da prozedura.

Hargailuan alta emateko prozedura

1. \"CODE\" sakagailua behin bakarrik sakatu.

LED gorriak keinu bat igorriko du

2. Memorizatzea nahi duzun agintearen botoia bi aldiz sakatu

LED gorria finko geratuko da eta itzali egingo da ondoren.

3. Prozesu bera burutu botoi eta alta eman nahi zaion aginte bakoitzarekin.

Memorizatu behar den agintea lehena bada, memoria ezabatu lehenik eta behin, honela:

1. \"CODE\" botoia sakatuta eduki 8 segundoz, non LED argia piztuta geldituko den.

2. LED argia itzaliko da eta memoria ezabatuko da.

Inprimatu

ELVOX AGINTE EBOLUTIBOEI ALTA

ELVOX aginteari zuzenean bakarrik eman ahal zaio alta hargailuan.

Alta zuzeneko prozedura hargailuan

Ate irristakorra eta orria

1. Sakatu I2 hargailuaren botoia (P2).

2. Hargailuaren botoia sakatuta, sakatu programatu nahi den agintearen botoia.

3. Itxaron Led argiak klisk eginez memorizazioa berresten duen arte.

4. Askatu bi botoiak.

ECRU hargailua

1. Sakatu P1 hargailuaren botoia 2 segundoz. DL1 Led argiak berde kolorez kliskatuko du.

2. Hargailuaren P1 botoia askatu.

3. Sakatu programatzeko agintearen 1 botoia.

4. DL5 Led argi urdina kliskatzen hasiko da.

5. P1 sakagailua 2 segundoz sakatuz, DL2 Led argia berde kolorez hasiko da kliskatzen, 2. kanala memorizatzeko.

6. Sakatu programatzeko agintearen 2 botoia.

7. DL5 Led argi urdina kliskatzen hasiko da.

8. 3 eta 4 botoiak programatzeko 5etik 7rako urratsak errepikatu. DL3 eta DL4 Led argia piztuko dira eta egoera bakoitzean 3 eta 4 botoiak sakatu beharko ditugu.

9. Hedatze modutik irten nahi baldin bada, P1 edo P2 botoiak sakatuko dira bilbearen zain Led argi berdea kliskatzen hasten denean.

Inprimatu

KING GATES STYLO AGINTE EBOLUTIBOEI ALTA NOLA EMAN

Alta zuzeneko prozedura hargailuan:

1. Ireki hargailua eta programatzeko sakagailua aurkitu plaka elektronikoan.

2. Sakagailua 2 segundoz sakatu.

Hargailuaren LED argia piztuko da.

3. Hamar segundo igaro aurretik, sakatu hargailuan alta eman nahi diogun agintearen botoia.

Pixka bat geroago, hargailua automatikoki aterako da programatze-modutik.

Inprimatu

DITEC AGINTE EBOLUTIBOEI ALTA NOLA EMAN

DITEC aginteari alta urrutitik emateko prozedura

1. Hargailuaren aurrean zaudela, sakatu punta zorrotz batekin instalazioan badabilen jatorrizko Ditec agintearen erdiko zuloaren azpian dagoen sakagailua 5 segundoz.

Jatorrizko igorlearen LED argia keinuka hasiko da 5 segundo horiek igarotakoan eta programatze-bilbea igorriko dio hargailuari.

2. Kopiatutako agintearen botoia sakatu.

Hargailuak aginte berriaren kodea jasoko du eta memorizatuta geratuko da.

3. 10 segundoz itxaron programatze-modutik irten arte.

DITEC aginteari alta zuzenean emateko prozedura

1. Hargailua irekiko dugu eta \"PROG\" adierazten duen sakagailu txikia sakatuko dugu 2 segundoz.

Hargailuaren LED argia piztuko da.

2. Kopiatutako agintearen botoia sakatu.

Hargailuaren LED argiak keinu egiten du eta berriro geratzen da finko.

3. 10 segundoz itxaron programatze-modutik irten arte.

Oharrak

Prozedura ongi ateratzen ez bada, baliteke hargailuaren memoria beteta dagoelako izatea, instalatzailearen baimenik gabe aginte berriei alta ematea saihestuko baitu horrek.

Inprimatu

PRASTEL AGINTE EBOLUTIBOEI ALTA NOLA EMAN

Prastel agintearen alta zuzenean egin daiteke hargailuan edo urrutitik dagoeneko hargailuan programatuta dagoen agintearen bitartez.

Hargailuan alta urrutitik emateko prozedura

1. Hurbil zaitez hargailura (1-2 m.) aurretik programatutako transmisore batekin

2. Biak batera sakatu eta askatu 1 eta 2 botoiak

3. Agintearen LED argia piztu egiten da, eta segundo batzuen buruan itzali.

4. LED argia berriro pizten denean, sakatu aldi berean 1 eta 2 botoiak, eta sakatuta eduki itzazu agintearen LED argia keinuka hasi arte.

5. LED argiak keinuka egiteari uzten dionean, transmisoreak transmisio bat egiten du hargailuaren ikasketa aktibatzeko.

6. Hargailua ikaste-moduan jarraituko du beste 10 segundoz.

7. Hargailuaren mamorian kargatu nahi duzun transmisorearen botoi bat sakatu.

8. Hargailuak memorizatuko du.

Hargailuan alta zuzenean emateko prozedura

1. Konekta ezazu hargailuaren hartunea.

2. Sakatu \"ENTER RADIO\" botoia. LED gorri guztiak 2 segundoz pizten dira; ondoren, lehenengo LED argia bakarrik geratuko da piztuta.

3. Transmisioari esleitu nahi diozun errelea hautatu \"SET\" botoia behin eta berriro sakatuz.

4. Transmisio bat egin nahi duzun botoia sakatuz. Botoi bakoitzari (kanala) transmisio bat dagokio.

a. Memorizatzen ari denean, LED argiak keinuak astiro egiten ditu; eragiketa bukatutakoan, LED argia finko geratzen da.

b. LED argia azkar hasten bada keinuka, kodea memorizatu da eta keinuka dagoen LED argiari esleitu zaio. Errepika ezazu transmisioa egun hautatuta dagoen errelearen aurrekoari esleitutakoa aldatzeko.

c. LED gorri guztiak keinuka hasten badira, memoria beteta dago. Kodea ez da memorizatu.

5. Errepika ezazu eragiketa memorizatzea nahi dituzun botoi guztiekin (kanalak). Horiei esleitzeko errele bana hautatu.

6. Errepika ezazu eragiketa memorizatzea nahi duzun transmisore guztiekin.

7. Programaziotik irteteko, berriro sakatu \"ENTER RADIO\" botoia; LED argiak itzaliko dira. Azken eragiketatik 10 segundotan irtengo da automatikoki.

8. Kodeak memorizatuta geratuko dira horniketa eteten bada ere.

Inprimatu

AERF AGINTE EBOLUTIBOEI ALTA NOLA EMAN

JCM-n aginte ebolutiboei alta emateko sistema bera jarraitzen da eredu eta pertsonalizazio guztientzat, 868 Mhz-ekoan izan ezik.

Aginte horiei alta emateko 2 modu daude.

Alta urrutitik emateko prozedura instalazioko agintearekin

1. Jar zaitez hargailutik hurbil eta sakatu punta zorrotz batekin dagoeneko instalazioan badabilen agintearen atzealdeko sakagailua. Aginteak atzeko botoirik ez badu, sakatu jatorrizko agintearen botoi guztiak batera.

Hargailuak \"bip\" luze bat igorriko du eta horrek grabatzen hasi dela esan nahiko du.

2. Hargailuaren \"bip\" horretatik 10 segundo igaro aurretik, alta eman nahi dugun agintearen botoia sakatuko dugu.

Aginteari alta eman zaiola adierazten duen \"bip\" labur bat igorriko du orduan hargailuak.

Hargailuak aginteari alta ematen utziko ez baligu (ez balu \"bip\" labur hori igorriko), baliteke memoria beteta egotea eta, ondorioz, instalatzailearen baimenik gabe hargailuan aginteari alta eman ezin izatea.

3. Handik 10 segundora, hargailuak programazioko modua utziko du eta 2 \"bip\" labur igorriko ditu.